Қабылдау:8 (7187) 344020 | Mail: kense.ae@pavlodar.gov.kz



Қала әкімі құрылысшыларды құттықтады

 8 тамызда құрылысшылар күні қарсаңында Екібастұз қаласының әкімі бұл саланың жұмыскерлерін кәсіби мерекелерімен құттықтады.

Құттықтау сөзден кейін Александр Вербняк салтанатты марапаттау рәсімін өткізді.

Екібастұз өңірінің әлеуметтік-экономикалық дамуына қосқан елеулі үлесі, адал еңбегі, белсенді өмірлік ұстанымы үшін еңбек ардагерлері Болат Валиев, Николай Канавец, Қабылбек Төлепбергенов, Мақсұт Шәріпов, «Пульс» ЖШС бас инженері Хайролла Бакбалин, «Строитель-Экибастуз» ЖШС құрылыс учаскесінің бастығы Қайрат Ахметов және басқалары марапатталды. Екібастұз қаласы әкімінің Алғыс хаты еңбек ардагері Мира Кочергинаға, «Вершина» ЖШС № 1 өңдеу учаскесінің сылақшы-бояушысы Софья Жүнісоваға, «Экибастуз Спец-Строй» ЖШС бас механигі Табылды Атыковқа және басқаларға табыс етілді.

Салтанатты жиналыстың ресми бөлімі аяқталған соң көрермендердің назарына мәдениет бөлімі ұйымдастырған концерт ұсынылды.