Қабылдау:8 (7187) 341000 | Mail: kense.ae@pavlodar.gov.kz



Жумадилова Дария Ертайқызы: Жол

Құрметті Қайрат Теміршотұлы! Сіздің бастамаңызбен биыл қаланың шеткі шағынаудандарының кварталішілік жолдарына асфальт төселді. Осы мақсатқа облыстық бюджеттен 900 млн. теңгеге жуық қаржы бөлінгенін, оның мақсатты жұмсалғанын жергілікті баспасөзден оқып-білдік. Осы іске бастамашы болған сізге осы шағын аудандардың тұрғындары дән риза. Ендігі өтініш, 168-кварталдағы "Батыр" дүкені мен "Күзетке" дейінгі аралықта тротуар керек. Көктем-күз айларында осы арадағы жолдың миы шығып езіліп кететіндіктен автобус аялдамасынан түскен бетте жолдың қарсы жағына өте алмай, шалшықты кешіп өтуге мәжбүрміз. Қайрат Теміршотұлы, осы өтінішімізді аяқсыз қалдырмайсыз деп сенемін.

Құрметті Дария Ертайқызы! Екібастұз қаласы әкімінің ресми сайтына келіп түскен Абай көшесі («Батыр» дүкенінен «Күзет» бөліміне дейін) жаяу жүргіншілер жолы өтінішіңіз бойынша, келесіні хабарлаймын.

         Қазіргі уақытта жаяу жүргіншілер жолының құрылысы бойынша жұмыс көлемі ағымдағы жылға бөлініп қойған.

         Сонымен қатар мынаны хабарлаймын, осы мақсаттарға бюджеттен қосымша қаражат бөленген жағдайда, осы мяселе қаралатын болады.

         Қазақстан Республикасының «Жеке және заңды тұлғалардың өтініштерін қарау тәртібі туралы» Заңына сәйкес Сіз қабылданған шешімге шағымдануға құқылысыз.