Қабылдау:8 (7187) 344020 | Mail: kense.ae@pavlodar.gov.kz



Жанаргүл Әбдікәрімқызы Қадырова: Пәтерді жекешелендіру

Құрметті Қайрат Теміршотұлы!
Мен 2011 жылы кезек тәртібімен Энергетиктер көшесі, 107-62 мекенжайынан екі бөлмелі пәтер алған едім. Жалдау келісімшартымен тұрып жатырмын. Сұрайын дегенім: осы пәтерді қалай жекешелендіруге болады? Бұл пәтердің жекешелендіру құны қанша тұрады? Он жыл бойы бөліп төлеуге мүмкіндігім бар ма? Ол үшін қандай құжаттар тапсыру қажет?
Екіншіден, Энергетиктер көшесіндегі 107-үйде бүгінгі таңда қанша пәтер жекешелендірілді? Семей полигоны аймағындаа тұратындарға жекешелендіру тегін деген сөз қаншалықты рас?
Құрметпен, Жанаргүл Қадырова, "Отарқа" газетінің редакторы

Екібастұз қаласы әкімінің сайтына, тұрғын үйді жекешелендіру мәселесіндегі Сіздің өтінішке, келесіні хабарлаймын.

Қайта қалпына келтірілген Энергетиков көшесі, 107 тұрғын үйдің № 62 пәтері Сізге, 2011 жылғы 23 қыркүйектегі №111 жалдау шартымен, бюджеттік ұйым қызметкері ретінде, кезекпен бөлінген болатын.

ҚР «Тұрғын үй қатынастары туралы» Заңының 101 бабына сәйкес, Мемлекеттiк қызметшiлер мен бюджеттiк ұйымдардың, мемлекеттік кәсіпорындардың жұмыскерлерi, ғарышкерлікке кандидаттар, ғарышкерлер, мемлекеттiк сайланбалы қызмет атқаратын адамдар, егер олар мемлекеттiк қызметте, мемлекеттік кәсіпорында немесе бюджеттiк ұйымдарда (мемлекеттiк сайланбалы қызметте болу мерзiмiн қоса алғанда) кемiнде он жыл (жиынтығында) жұмыс iстесе, сондай-ақ, егер еңбек қатынастары мынадай негіздер бойынша:

1) ұйымның таратылуы, қызметкерлер санының немесе штатының қысқартылуы бойынша;

2) одан әрi жұмыс iстеуге кедергi келтiретiн сырқатына байланысты;

3) зейнеткерлікке шығуына байланысты тоқтатылса, жұмыс iстеген мерзiмiне қарамастан, өздерi тұратын қызметтік тұрғынжайларға теңестірілген тұрғынжайларды қалдық құны бойынша жекешелендiре алады.

Заңның 13 бабына сәйкес, мемлекеттiк тұрғын үй қорынан тұрғын үйдi жалдаушы кәмелетке толған отбасы мүшелерiнiң келiсiмiмен және кәмелетке толмағандардың құқықтарын ескере отырып, тұрғын үйдi осы Заңда көзделген шарттармен және Қазақстан Республикасының Үкіметі айқындайтын тәртiппен қалдық құны бойынша жекешелендiруге құқылы.

ҚР Үкіметінің 2016 жылғы 2 шілдедегі «Мемлекеттік тұрғын үй қорынан тұрғын үйді жекешелендіру Ережесін бекіту туралы» №673 Қаулысына сәйкес, тұрғын үйді жекешелендіретін азаматтар, тұрғын үйдің төлемін он жылға дейінгі мерзімде бөліп төлей алады. Тұрғын үй құнын бөліп төлеу кестесі, шарты және мерзімі тұрғын үйді жекешелендіру туралы шартта (10 жылға дейін) қарастырылған. Сонымен бірге, тұрғын үйді жекешелендіретін азаматтар тұрғын үйді жекешелендіру туралы шартта белгіленген, тұрғын үй құнынан отыз пайыздан кем емес мөлшерде бастапқы жарна төлейді.

Бүгінгі таңда пәтердің қалдық құны 2850299 теңгені құрайды.

Оған қоса хабарлаймын, азаматтардың келесі санаттары тұрғын үйді төлеусіз жекешелендіре алады:

1) Ұлы Отан соғысының мүгедектері мен қатысушылары құқылы. Тұрғын үй берілген Ұлы Отан соғысының мүгедегі немесе қатысушысы қайтыс болған жағдайда, оны тегін алу құқығы оның отбасы мүшелеріне өтеді;

2) 1 және 2-топтағы мүгедектер;

3) Чернобыль атом электр станциясындағы апаттың, басқа да радиациялық апаттар мен азаматтық немесе әскери мақсаттағы объектiлердегі авариялардың салдарларын жоюға қатысқан, сондай-ақ ядролық сынақтар мен оқу-жаттығуларға тікелей қатысқан адамдар;

4) Семей ядролық сынақ полигонындағы ядролық сынақтардың салдарынан зардап шеккен Қазақстан Республикасының азаматтары;

5) бұрынғы Кеңестік Социалистік Республикалар Одағын қорғау кезінде, әскери қызметтің өзге де міндеттерін басқа кезеңдерде орындау кезінде немесе майданда болуға байланысты ауруға шалдығу салдарынан, сондай-ақ Ауғанстанда немесе ұрыс қимылдары жүргiзiлген басқа да мемлекеттерде әскери қызметін өткеру кезiнде жаралану, контузия алу, мертiгу салдарынан мүгедек болған әскери қызметшілер;

6) Арал маңындағы экологиялық қасірет салдарынан зардап шеккен Қазақстан Республикасының азаматтары;

7) теріс себептер бойынша қызметтен шығарылған әскери қызметшілерді және қызметкерлерді қоспағанда, күнтiзбемен есептегенде жиырма және одан да көп жыл еңбек сiңiрген әскери қызметшiлер, сондай-ақ арнаулы мемлекеттік органдардың қызметкерлері;

7-1) "Қазақстан Республикасының арнаулы мемлекеттік органдары туралы" Қазақстан Республикасының Заңында көзделген жағдайды қоспағанда, арнаулы мемлекеттік органдарда қызмет өткеру кезінде қаза тапқан (қайтыс болған) арнаулы мемлекеттік орган қызметкерінің немесе əскери қызметшісінің отбасы мүшелері, еңбек сіңірген жылдарына қарамастан, əскери қызмет өткеру кезінде қаза тапқан (қайтыс болған) əскери қызметшінің отбасы мүшелері, сондай-ақ қаза тапқан (қайтыс болған) адамның еңбек сіңірген жылдарына қарамастан, ішкі істер органдарында қызмет өткеру кезінде қаза тапқан (қайтыс болған) ішкі істер органдары қызметкерінің отбасы мүшелері;

8) ғарышкерлікке кандидаттар, ғарышкерлер құқылы. Тұрғын үй берілген ғарышкерлікке кандидат, ғарышкер қаза тапқан (қайтыс болған) жағдайда, оны өтеусіз алу құқығы қаза тапқан (қайтыс болған) адамның мұрагерлеріне ауысады;

9) саяси қуғын-сүргiндер құрбандары, сондай-ақ "Жаппай саяси қуғын-сүргiндер құрбандарын ақтау туралы" Қазақстан Республикасының Заңына сәйкес ақталған, мүгедектігі бар немесе зейнеткерлер болып табылатын саяси қуғын-сүргiндерден зардап шеккен адамдар;

10) теріс себептер бойынша қызметтен шығарылған қызметкерлерді қоспағанда, ішкі істер органдарының қызметтен шығарылған және күнтiзбелiк есеппен жиырма және одан да көп еңбек сiңiрген жылдары бар қызметкерлері, сондай-ақ күнтiзбелiк есеппен он және одан да көп еңбек сiңiрген жылдары бар және мүгедек балаларды асырап-бағып отырған қызметкерлер құқылы.

Өтініш беруші тұрғын үй комиссиясының қарауына шығаруға, тұрғын үйді меншігіне жекешелендіру тәртібінде алу үшін, келесі құжаттарды ұсынады:

1) тұрып жатқан тұрғын үйді жекешелендіруге, отбасының кәмелеттік жасқа толған барлық мүшелерінің қолы қойылған өтініш;

2) өтініш иесі және оның отбасы мүшелерінің жеке куәліктерінің немесе төлқұжаттарының көшірмелері;

3) отбасы мүшелерінің некеге тұру (бұзу), туған балалардың (қажетінше) куәліктерінің көшірмелері;

4) тұрғын үйді жалдау шартының немесе ордердің көшірмелері;

5) аумақтық әділет органынан (өтініш иесінің немесе онымен үнемі тұратын отбасы мүшелерінің Қазақстан Республикасында меншік құқына жататын тұрғын үйінің бар немесе жоқтығы туралы) анықтамалар;

6) адрестік бюродан немесе ауылдық округ әкімінен тиісті елдімекенде тұратынын нақтылайтын анықтама;

7) басқа тұлғалар өтініш иесі отбасының мүшесі ретінде танылған күнде, соңғысы оларды өтініш иесі отбасы мүшесі ретінде қабылдағаны туралы сот шешімді береді;

8) халықтың әлеуметтік әлсіз топтарына жататын азаматтар, өтініш иесінің халықтың әлеуметтік әлсіз топтарына жататынын белгілейтін құжатты қосымша береді;

9) мемлекеттік қызметкер санатына жататын азаматтар, бюджеттік ұйымдар қызметкерлері, әскери қызметкерлер, мемлекеттік органдардың арнайы қызметкерлері және мемлекеттік сайланбалы лауазымдағы тұлғалар жұмыс орнынан анықтама немесе жұмысшының қызметін белгілейтін құжат көшірмесін қосымша береді. Ғарышкерге үміткерлер, ғарышкерлер Қазақстан Республикасының Үкіметі берген, олардың статусын белгілейтін құжатты береді;

10) тұрғын үйді жалға алу шарты бойынша қарыздың жоқ екенін белгілейтін құжат;

11) жекешелендіру Ережесінің 7 тармағына сәйкес жекешелендірілген күнде – тұрғын үйді мемлекеттік тұрғын үй қорынан ақысыз алуға құқылы азаматтар санатына жататынын белгілейтін құжат.

Құжаттар өтініш берілген күннен бастап бір ай ішінде тұрғын үй комиссиясымен қаралады.

Қосымша хабарлаймын, бүгінгі таңда аталған үйде 26 пәтер жекешелендірілген.

Қосымша ақпаратпен Сіз, Строительная көшесі 70 А, «Екібастұз қаласы әкімдігінің ТҮКШ, ЖК және АЖ бөлімі» ММ, № 4 кабинетке, 77-59-28 тел. жүгіне аласыз.