Қабылдау:8 (7187) 344020 | Mail: kense.ae@pavlodar.gov.kz



№ 2-ө ӨКІМ

2013 жылғы 21 қаңтар

 

 

Мемлекеттік сатып алуды бірыңғай ұйымдастырушыны

белгілеу туралы

 

         Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін - өзі басқару туралы» Заңының  33-бабына, Қазақстан Республикасының 2077 жылғы 21 шілдедегі «Мемлекеттік сатып алу туралы» Заңының 7-бабына, Қазақстан Республикасы Үкіметінің 2007 жылғы 27 желтоқсандағы № 1301 қаулысымен бекітілген, Мемлекеттік сатып алуды жүзеге асыру ережесінің 16-тармағына сәйкес: 

  1. Келесі бюджеттік бағдарламалардың әкімшілері:

1)  Екібастұз қаласының ведомствоға қарасты білім мекемелерін (кәсіпорындарын) күрделі және ағымдағы жөндеу жұмыстарын сатып алу бойынша «Екібастұз қаласы әкімдігінің білім бөлімі» мемлекеттік мекемесі;

2)  Екібастұз қаласының ведомствоға қарасты мәдениет мекемелерін (кәсіпорындарын) күрделі және ағымдағы жөндеу жұмыстарын сатып алу бойынша «Екібастұз қаласы әкімдігінің мәдениет және тілдерді дамыту бөлімі» мемлекеттік мекемесі;

3)  балалар спорт алаңшаларын орнату бойынша жұмыстарды (қызметтерді) сатып алу кезінде «Екібастұз қаласы әкімдігінің дене шынықтыру және спорт бөлімі» мемлекеттік мекемесі;

4)   сумен жабдықтау нысандарын және автомобиль жолдарын күрделі және ағымдағы жөндеу жұмыстарын сатып алу кезінде «Екібастұз қаласы әкімдігінің тұрғын үй-коммуналдық шаруашылығы, жолаушылар көлігі және автомобиль жолдары бөлімі» мемлекеттік мекемесі конкурс тәсілімен жұмыстарды (қызметтерді) мемлекеттік сатып алудың бірыңғай ұйымдастырушысы болып белгіленсін.

  1. Бюджеттік бағдарламалардың әкімшілері:

Қазақстан Республикасының заңнамасына сәйкес осы өкімді іске асыруға қатысты шараларды қабылдасын.

  1. Осы өкімнің орындалуын бақылау Екібастұз қаласы әкімінің орынбасарлары Н.В.Дычкоға, А.А.Құрманова, А.К.Марданова жүктелсін.

 

 

 

Екібастұз қаласының

            әкімі                                                                                          А. Вербняк