Қабылдау:8 (7187) 344020 | Mail: kense.ae@pavlodar.gov.kz



«Жергілікті атқарушы органдар арқылы кредиттік тұрғын үй құрылысы» бағыты бойынша «Нұрлы жол» бағдарламасына қатысу үшін өтініштерді қабылдау арқылы дауыс беру басталғаны туралы хабарландыру

Құрметті салымшылар!

«Қазақстанның тұрғын үй құрылыс жинақ банкі» АҚ (әрі қарай-Банк) Жергілікті атқарушы органдар (әрі қарай - ЖАО) арқылы кредиттік тұрғын үй құрылысы» бағыты бойынша «Нұрлы жол» бағдарламасына (әрі қарай - Бағдарлама) қатысу үшін өтініштерді қабылдау арқылы тұрғын үй құрылысы жобаларын іске асыруға дауыс беру туралы хабарлайды.

Нысан: «Екібастұз қаласы, Энергетиков көшесі бойынша орналасқан 5 қабатты тұрғын үй құрылысы (21 шағын аудан)».

Құрылыстың жоспарлы аяқталу мерзімі: мамыр 2017 жыл.

«Таза» әрленген тұрғын үйдің 1 ш.м. бағасы: 115 000 теңге.

Жайлылық класы: IV

Пәтер саны: 80.

Жобаға қатысу үшін өтініш беру мерзімі: 2017 жылғы 17 ақпаннан бастап 17 наурызға дейін.

Баллдарды есептеу күні (Үміткерлерді таңдау) (Нысанды келіскен жағдайда): 18 наурыз 2017 жылы.

Өтінішті Банктің www.hcsbk.kz интернет-ресурсындағы «Жеке кабинетте/Интернет-банкте» беруге болады. Өтініш беру күні және уақыты өтініш берушінің иеленген баллдары мен кезектілігіне әсер етпейді.

Өтініштер Банк салымшыларынан ғана қабылданады.

ЖАО арқылы Кредиттік тұрғын үй құрылысы» бағыты бойынша:

Нысандағы тұрғын үйдің 50% -ынан кем емесі ЖАО-да кезекте тұрған адамдар арасында бөлінеді.

Қатысуға өтініш берген немесе іріктеуден өткен ЖАО-да кезекте тұрған адамдар саны жеткілікті болмаған жағдайда, тұрғын үйлер яғни Банк салымшыларының басқа өтініш берушілері арасында бөлінеді]

Банк салымшылары Бағдарламаға қатысу үшін өтініш беру арқылы Нысанды іске асыруға келісу үшін дауыс береді. Нысанды келісу кезінде, салымшылардың өтініштері әрі қарай Бағдарламаға қатысу үшін қабылданады. Банктің ішкі құжаттарына сәйкес салымшылардың өтініштерінің саны Нысанды келісу үшін өтініштерді қабылдауды аяқтау күніне дейін Банкке жеткілікті түрде берілмесе, берілген өтініштердің автоматты түрде күші жойылады.

Өтініш берушілерге қойылатын талаптармен, Құрылыс нысанының сипаттамасымен, соның ішінде ғимарат қасбетін және пәтерлердің жоспарлануын Банктің www.hcsbk.kz интернет ресурсында егжей-тегжейлі танысып, көруге болады.

Қосымша сұрақтарыңыз туындаған жағдайда Банктің Байланыс-орталығына хабарласуыңызды сұраймыз.