Қабылдау:8 (7187) 344020 | Mail: kense.ae@pavlodar.gov.kz



Тоғызқұмалақтан біріншілік өтті

№1 БЖСМ филиалының үстел ойыны залында қаланың дене шынықтыру кәсіпорны мен ұйымдарының бірінші және екінші лига командалары арасында спорттың олимпиадалық, ұлттық және халықтық түрлерінен бесінші спартакиада есебіне үстел ойыны – тоғызқұмалақтан біріншілік өтті.

Екінші лига командалары жүлделі орындарды төмендегідей бөлісті. 1-орын  - «ПВАСС» командасы (Абуов Серік, Рамазанова Ақмарал), 2-орын - «СПЧ-14» құрама командасы (Айсабеков Темірбек, Касенова Асель).

Бірінші лигаға «Шығыс» кеніші, «Богатырь Көмір», «Богатырь Security» ЖШС, «МАЭС-1», «МАЭС-2», білім мекемелері қатысты.

Жалпыкомандалық есепте 1-орынды білім саласынан Наурызбаев Дархан мен Жетпісбаева Арай жеңіп алды. 2-орынды «Богатырь Көмір» ЖШС-ынан Булкенов Ерболат пен Латыпова Магинур иеленді. 3-орын «Шығыс» кенішінің жұмыскерлері Сагатов Бауыржан мен Бесеева Мадинаның еншісіне тиді.