Қабылдау:8 (7187) 344020 | Mail: kense.ae@pavlodar.gov.kz



Баянауылға экскурсия ұйымдастырылды

Екібастұз тарихи-өлкетану музейі мен Екібастұз қаласы әкімдігі ішкі саясат бөлімінің жастар бастамасын дамыту орталығы қаланың колледж студенттері үшін Баянауылға  экскурсия ұйымдастырылды. 

Баянауылға барар жолда тыңдаушыларға Елбасы, Ұлт көшбасшысы Н.Ә.Назарбаев, оның өмірі мен қызметі, сондай-ақ Тәуелсіз Қазақстан және Екібастұз тарихы туралы баяндалды.

Студенттер Баянауылдың құрылу тарихымен, академиктерімен, ақын, жазушыларымен, Баянауыл ұлттық паркімен танысты. Еліміздің көрнекті тұлғаларына орнатылған Қ.И. Сәтбаев, С.М. Торайғыров, Ә.Х. Марғұлан, Ш.Айманов ескерткіштеріне, Қ.И. Сәтбаев атындағы мемориалды мұражайға, мұсылмандық мешітке, Сабындыкөл, Торайғыр көлдеріне барып, Павлодар облысының ең биік жері Ақбет тауды көріп, Әулиебұлақ бұлағында болып қайтты.