Қабылдау:8 (7187) 344020 | Mail: kense.ae@pavlodar.gov.kz



«Нөлдік төзімділік» акциясы

Бүгінгі таңда қала жастары мен жасөспірімділер арасында заң бұзушылық жағдайлары көптеп кездесіп жатады. Осындай қоғамдық мәселені алдын-алу шараларын жасау аса маңызды болып табылады. Осы орайда Екібастұз қаласы әкімдігі ішкі саясат бөлімінің жастар бастамаларын дамыту орталығының ұйымдастыруымен құқық бұзушылық және тәртіпсіздікте «Нөлдік төзімділік» ұстанымын қалыптастыру акциясы өткізілді.

Шара барысында жастар бастамаларын дамыту орталығының волонтерлары қолғабыс жасады. Жол полиция өкілдері қала көшелеріндегі әр көлікті тоқтатса, жастар машина ішіндегі жандармен құқық бұзушылықтың алдын алу туралы түсініктемелер жүргізіп, осы тақырыпта қажетті ақпараттар жазылған 300-ге жуық букллеттер таратылды. Бұл күні еріктілер жүзден астам тұрғынға құқықтық білім беретін пайдалы кеңестерін ұсына алды.