Қабылдау:8 (7187) 344020 | Mail: kense.ae@pavlodar.gov.kz



Қала басшысы әкімдік мәжілісін өткізді

          Мамырдың 13 қала әкімі  Александр Вербняктың төрағалық етуімен  әкімдік мәжілісі өткізілді, онда қала әкімінің орынбасарлары, әкімдік бөлімдерінің және коммуналдық қызметтің басшылары қатысты.

Тұрғын үй–коммуналдық шаруашылығы, жолаушылар көлігі және автомобиль жолдары бөлімі басшысының міндетін атқарушы Ерлан Көшкімбаев 2014–2015 жылдардағы күзгі-қысқы кезеңдегі жылыту маусымының қорытындысы және қаланың тұрғын үй-коммуналдық шаруашылығы мен әлеуметтік сала нысандарының жаңа 2015-2016 жылдардың жылыту маусымына дайындығы жөнінде толық есеп берді.

Екібастұз қаласы әкімінің есеп беру кездесулерінде тұрғындармен айтылған ескертулер мен ұсыныстарды іске асыру жөніндегі іс-шаралардың орындалу барысы туралы  қала әкімі аппаратының басшысы Мәриям Адасбаева айтты. Екібастұз қаласы әкімінің тұрғындармен есептік кездесулерінің қорытындысы бойынша  іс-шаралар жоспарына 17 ұсыныс енгізіліп, оның 1-і бақылаудан алынды. Абай көшесі, 91-үйдің ауласында ағаштарды  санитарлық кесу жұмыстары жүргізілді. Ауылдық округтер, ауылдар мен кенттер әкімдерінің есептік кездесуі бойынша бақылауға алынған 13 тармақтан 1 тапсырма  бақылаудан алынып, жүзеге  асырылды, яғни  Солнечный кентінде  ағаштарды  санитарлық кесу жұмыстары орындалды.

           Әкімдік мәжілісінің барлық мәселелері қаралып, әр мәселеге қатысты қаулы қабылданды.