Қабылдау:8 (7187) 344020 | Mail: kense.ae@pavlodar.gov.kz



Қала басшысы әкімдік мәжілісін өткізді

           27 қаңтар күні қала әкімі  Александр Вербняктың басшылығымен  әкімдік мәжілісі өткізілді. Отырыстың жоспарына сәйкес 4 мәселе қаралды.

Жол–көлік желісінің ағымды жай-күйі және ұсталуы туралы, оны ағымдағы жылы пайдалануға дайындау және орамішілік аумақтарды жинау бойынша атқарылып жатқан жұмыстар туралы тұрғын үй–коммуналдық шаруашылығының басшысы Құсниден Қасенов пен «Екібастұзкоммунсервис» МҚК-ның директоры Жасұлан Садвакасов баяндады.

Тұрғын үй қорын басқару саласында,  көп пәтерлі үйлердегі үй-жайлар иелерінің ортақ мүлкін және үй жанындағы аумақты қолдану, ұстау, пайдалану және жөндеу тәртібінің сақталуын бақылауды жүзеге асыру бөлігінде іске асыру жөнінде тұрғын үй инспекциясының басышысы Лариса Векшина ақпарат берді.

Қаржы бөлімінің басшысы Сәбит Мұқанов 2014 жылғы Екібастұз қаласы бюджетінің орындалуы жөніндегі есепті бекітуді ұсынды.

Сыбайлас жемқорлыққа қарсы күрес мәселелері жөніндегі заңнамаларды іске асыруы бойынша шаралар туралы  Шідерті кенті әкімінің міндетін атқарушы Салтанат Әбішева есеп берді.

Әкімдік мәжілісінің барлық мәселелері қаралып, әр мәселе бойынша қаулы қабылданды.

Отырысты қорытындылай келе қала әкімі бөлім басшыларына тиісті тапсырмалар берді.