Қабылдау:8 (7187) 344020 | Mail: kense.ae@pavlodar.gov.kz



Ауылшаруашылық жәрмеңкесі

Тұрғындар тамақ азық-түліктерін төмен бағамен сатып алу мүмкіндігін тудыру үшін ағымдағы жылдың 25 қазанында Муниципалдық базарда Екібастұз өңірі ауылдық округтерінің ауыл шаруашылық өндірушілерінің қатысуымен ауылшаруашылық жәрмеңкесі өткізілді.

Бұл күні ет өнімдерін жеткізу қамтамасыз етілді. Сиыр еті 880-900 теңгеден, жылқы еті 1000-1300 теңгеден, қой еті 900-1000 теңгеден, шошқа еті 800-1000 теңгеден сатылды.

Жәрмеңкеде жергілікті тауар өндірушілердің өнімдері қолайлы бағамен ұсынылды. Олар «Best-milk» ЖШС сүт өнімдері, «СбытСервис» ЖШС Екібастұз филиалының «Рубиком» ЖШС ресми дилері шұжық өнімдері, және «Энергия Капитал» ЖШС нан-тоқаш өнімдері. 1-сұрыпты нанның бір бөлкесін 45 теңгеге сатып алуға болатын еді.