Қабылдау:8 (7187) 344020 | Mail: kense.ae@pavlodar.gov.kz



Екібастұз қаласы әкімінің 2014 жылғы 18 сәуірдегі № 22-ө өкімі

Екібастұз қаласы әкімінің 2013 жылғы 29 қарашадағы

«Өмірлік қиын жағдайдың туындауына байланысты әлеуметтік көмек көрсетуге үміткер адамның (отбасының)  өтінішін қарау жөніндегі арнайы комиссия құру туралы» №66-ө өкіміне өзгерістер енгізу туралы

 

 

         Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару мен өзін-өзі басқару туралы» Заңының 33, 37-баптарына сәйкес, Қазақстан Республикасы Үкіметінің 2013 жылғы 21 мамырдағы № 504 қаулысымен бекітілген Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың үлгілік қағидаларына, Қазақстан Республикасы Еңбек және халықты әлеуметтік қорғау министрінің 2013 жылғы 22 шілдедегі № 325-ө-м бұйрығымен бекітілген Арнайы комиссия туралы үлгілік ережеге сәйкес, Қазақстан Республикасының қолданыстағы заңнамасымен сәйкестікке келтіру мақсатында және кадрлық өзгерістердің болуына байланысты:

1. Екібастұз қаласы әкімінің 2013 жылғы 29 қарашадағы «Өмірлік қиын жағдайдың туындауына байланысты әлеуметтік көмек көрсетуге үміткер адамның (отбасының)  өтінішін қарау жөніндегі арнайы комиссия құру туралы» № 66-ө өкіміне (бұдан әрі - өкім), келесі өзгерістер енгізілсін:

1) өмірлік қиын жағдайдың туындауына байланысты әлеуметтік көмек көрсетуге үміткер адамның (отбасының) өтінішін қарау жөніндегі арнайы комиссия құрамына (бұдан әрі – Комиссия):

«Екібастұз қаласы әкімдігінің халықты жұмыспен қамту және әлеуметтік мәселелер бөлімі» мемлекеттік мекемесі азаматтардың жекеленген санаттарымен жұмыс жасау секторының бас маманы Умут Разиевна Ахметова, Комиссия хатшысы болып енгізілсін;

2) Комиссия құрамынан С.И. Лысенко шығарылсын.

3) өкімнің 2-тармағы келесі редакцияда мазмұндалсын: «2. Комиссия өз қызметінде Павлодар облысы әкімдігінің 2014 жылғы 27 наурыздағы № 83/3 қаулысымен бекітілген арнайы комиссия туралы ережені басшылыққа алсын.»

2. Осы өкімнің орындалуын бақылау Екібастұз қаласы әкімінің жетекшілік ететін орынбасарына жүктелсін. 

 

         

         Екібастұз қаласының

                          әкімі                                                                   А. Вербняк